James Naismith

James Naismith
Vida
Nacimientu	Almonte (es) , 6 de payares de 1861[1]
Nacionalidá	Canadá Estaos Xuníos
Muerte	Lawrence, 28 de payares de 1939[1] (78 años)
Estudios
Estudios	Universidá McGill Springfield College (en) Almonte and District High School (en)
Llingües falaes	inglés
Oficiu
Oficiu	inventor, entrenador de baloncestu, escritor, clérigu, médicu, entrenador en xefe, xugador de baloncestu
Trayeutoria   Entrenador 1898–1907 Kansas Jayhawks men's basketball (en)
Altor	179 cm
Emplegadores	Universidá McGill Universidá de Kansas
Premios	ver Canada's Sports Hall of Fame Ontario Sports Hall of Fame Ontario Basketball Hall of Fame  (1999) [2] Salón de la Fama FIBA  (2007) [3]
Creencies
Relixón	catolicismu

James Naismith^[4] (6 de payares de 1861, Almonte ^(es)  – 28 de payares de 1939, Lawrence) foi profesor d'educación física, entrenador y capellán castrense. Inventó'l deporte del baloncestu en 1891 y tamién se-y atribúi l'usu del primer cascu de jolf. Escribió les regles orixinales del baloncestu, fundó'l programa de baloncestu de la Universidá de Kansas y, mientres la so vida, pudo ver el baloncestu adoptáu como un deporte de demostración nos xuegos olímpicos de Saint Louis en 1904, y como deporte oficial nos Xuegos Olímpicos de Berlín 1936

Nacíu en Canadá, estudió educación física en Montreal antes de camudase a los Estaos Xuníos. Ellí, mientres trabayaba na Asociación Cristiana de Jóvenes (YMCA) de Springfield (Massachusetts), desenvolvió'l baloncestu a finales de 1891.^[5] Tamién estudió Medicina en Denver, llogrando'l so títulu en 1898. Esi mesmu añu empezó a trabayar na Universidá de Kansas. Tres casi venti años como profesor y entrenador de baloncestu a tiempu parcial mientres los años iniciales d'esti deporte, foi nomáu direutor de los Kansas Jayhawks en 1919. Se nacionalizó estauxunidense en 1925.^[6][5]

Les contribuciones de Naismith al baloncestu valiéron-y numberosos homenaxes póstumos, tales como pertenecer al Salón de la Fama del baloncestu canadiense, al Salón de la Fama olímpicu canadiense, al de deportes canadiense, al de lleendes del deporte d'Ontario, al de deportes d'Ottawa, al de deporte de la Universidá McGill, al de deportes del Estáu de Kansas y al Salón de la Fama de la FIBA. El Naismith Memorial Basketball Hall of Fame de Springfield llámase asina nel so honor.^[5]

Naismith tamién foi capellán militar de la Guardia Nacional nel primer reximientu d'infantería de Kansas.^[5] Enseñaba baloncestu a los soldaos como un mediu pa controlar el so escesu d'enerxía. Los sos esfuercios ayudaron a amontar la moral de la tropa y a menguar el númberu de sanciones disciplinaries.

1. ↑ ^{1,0 1,1} Afirmao en: Encyclopædia Britannica Online. Identificador Encyclopædia Britannica Online: biography/James-Naismith. Apaez como: James Naismith. Data de consulta: 9 ochobre 2017. Llingua de la obra o nome: inglés.
2. ↑ Afirmao en: Ontario Basketball Hall of Fame. Llingua de la obra o nome: inglés.
3. ↑ Sitiu web oficial: https://www.fiba.basketball. URL de la referencia: https://www.fiba.basketball/fr/hall-of-fame/James-Naismith. Data de consulta: 15 xineru 2021.
4. ↑ bookrags.com. «James Naismith Biography» (inglés). Consultáu'l 30 de setiembre de 2008.
5. ↑ ^{5,0 5,1 5,2 5,3} Porter, David L. (2005). Basketball: a biographical dictionary (n'inglés). Westport: Greenwood Press, páx. 346-347. ISBN 9780313309526.
6. ↑ Rains y Carpenter, 2009, p. 105.